一月中嘅零度寒流,有人回味、有人聽到就怕怕!當你以為冬季應該凍完,但黎緊三月,好似話將有一股超級寒流又襲港,大家除咗提倡唔好返工返學,又或射波鑽入披窩內,又會有咩奇招保暖呢?每個冬季都係嚴寒中度過嘅外國人,除咗係室內裝暖氣,又會用咩奇招保暖?一齊參考下啦!
芬蘭:日日芬蘭浴
最著名抵寒方式係芬蘭浴,即係桑拿。唔講唔知桑拿源自芬蘭,有成2,000多年歷史,當地芬蘭人口只有500多萬人,而桑拿室卻有近200萬個,幾乎每家每戶均設桑拿室,那怕係租來嘅公寓或獨門獨院嘅私人住宅,週末家人朋友聚會,通常就係來個芬蘭浴。
匈牙利:燒錢取暖
匈牙利央行從多年前開始,每年冬天都會將40至50噸舊錢幣,粉碎後再壓縮成方塊狀,最後運送比慈善機構放入火爐中燒取暖用,幾時都話有錢係任性啦!
瑞典:收集“人氣”取暖
首都斯德哥爾摩火車站大樓安裝咗收集乘客熱量嘅特別系統,利用這些熱能將水加熱,通過水泵和管道為火車站大廳旁邊嘅辦公樓供暖,一年節能25%。
推薦倉位
全站熱搜
留言列表