ministore12的部落格

有好多人覺得，情人節一定唔可以單身，如果單身就簡就等同係世界末日…

我有個朋友，叫阿謙。佢好驚情人節單身，會夾硬搵個女仔過節日，所以佢拍極都係散拖，但唔知點解，佢每次都黑仔地每逢情人節就單身。就好似變咗「因為情人節來臨，所以變單身」咁。

「２月１３日係兄弟日啊！出黎陪我食飯！」無錯，今年佢個女朋友都係捱唔到情人節呢條死線，於是我就陪佢食飯，然後去咗酒吧飲嘢。

其實唔單止情人節，早幾日條街已經逼滿慶祝節日嘅情侶，所以兩條麻甩佬喺餐廳門口等位，其實都幾尷尬。我見佢用怨恨嘅眼神望住班情侶。於是我同佢講…

「喂，其實所有節日對你黎講，都係末日…你諗吓有邊個節日唔係for一雙一對咁出街慶祝㗎？」

「嗚～我好想拍拖啊…」朋友幾乎喊出黎。

飲大兩杯，佢又拎住個電話磨一路自己塊面，一路同我講：「你有冇睇過套戲叫《觸不到的Her》？」

「你係咪中英文戲名混埋一齊。人地叫《Her》同《觸不到的她》…」

「是旦啦…我都想要一個咁嘅女朋友啊！究竟呢樣嘢幾時先發明到？我係咪註定成世都孤獨一生？」

「究竟你係想拍拖？定係想搵個伴？」我好認真咁問阿謙。

「有咩分別啊？」

「好似你咁，成日拍散拖，拍親都唔開心，都唔知你想點…」

「所以如果好似戲入面嗰個人工智能女友咁你話幾好呢？又瞭解我所有嘢，又善解人意，又唔洗我氹，又聰明，又唔驚會悶，仲會幫我打點生活上所有嘢…」

「咁不如你同Siri拍拖…」

「……」阿謙個樣變到好似粗口嘅像形文字咁。

「其實你唔需要亂咁求其搵個人拍拖，根本對方都唔適合你，夾硬一齊都無意思。」

「但我想拍拖嘛…」
「我問你啦，返工你開唔開心？」
「點會開心㗎…？」
「返夜校呢？」
「好攰，唔開心…」
「返屋企呢？」
「成日同屋企人嘈…」
「咁你唔認真揀個伴侶，人生除咗訓教之外，仲有咩時間係開心呢？」

「但我全日都忙到透唔到氣，邊有時候識人啊？所以我咪撞彩咁拍拖囉！」

其實阿謙又錯唔晒，香港人每日都忙到痴晒線，根本無時間去認識新圈子嘅人。就算識到只係點頭之交，因為你無咁多耐性去瞭解一個人，好多時…見到順眼咪拍拖，性格不合咪分手囉。

香港人由出生到老死乜都要趕，係一個速食城市，就連感情都係…
你撞到一個適合嘅，係好彩。
但係有幾多人有運行？

現實中阿謙真係恨拍拖恨到痴線，每個月都走去參加Speed Dating，每次拍唔夠一個月又分手。跟住又去參加另一次，完全係惡性遁環…

「不如你放慢個Speed，試吓Lunch Dating啦…」

「乜黎？」

「我同事參加過，只係Date咗一次Lunch，就同個女仔一齊咗，半年之後仲結咗婚添…」

「佢哋亂咁結婚啫！」

「又唔係喎，聽佢講Lunch Dating有專人導師幫佢配對，分析晒佢性格，同埋要求對象。唔係單單上網填資料，個個填到自己好似男神女神咁，出到黎又另外一回事。」

「係啊係啊！上次我約過一個，佢話自己似美人魚！！」

「Lunch Dating會有專人幫你配對好晒，起碼乎合你70%條件先畀你約出黎見面。當然啦你揀人、人揀你，你明嘅…」

「係咪堅㗎…？」

「第一次同導師見面免費㗎，佢浪費成粒鐘時間，你唔幫襯咪走囉，呃到你啲乜呢？」

於是，阿謙今日情人節就上咗去一間Lunch Dating嘅公司見導師，成唔成功？
唔知…或者下個月再同大家匯報情況。

我發現香港有好多阿謙呢類人，
想食快餐，大可以去蘭桂芳。
想求其搵個人拍拖可以去Speed dating。
但你想認真搵個伴，其實好難。
唔係話無錢無條件，而係無時間…

(綜合報道)(星島日報報道)天水圍一名應屆文憑試「情癡」男生，疑不甘同窗女友提分手，昨晨到女方寓所走廊埋伏，待對方回家時，涉以染有天拿水的手帕向她掩口迷暈，有所企圖，幸女事主掙扎將之嚇退；三小時後，男生疑知法網難逃，被發現於中環添馬公園，以天拿水淋身圖畏罪自焚，幸僅燒傷手部送院，事後被捕。

　　情狂中六生不堪同校女友分手，涉用天拿水迷暈女友不遂，圖自焚獲救被捕！涉案男生陸X軒，十七歲，為天水圍一所中學六年級學生，下月將應考中學文憑試（DSE），與家人同住天盛苑盛悅閣，同齡姓陳前女友為同班同學，她與家人居住同屋苑盛賢閣一單位。

聲稱已申請成為難民的斯里蘭卡籍男子ANTHONIPILLAI Jeganathan（38歲），涉嫌於14年6月17日，在彌敦道平安大樓一單位強姦一名鳳姐，並偷去940元，ANTHONIPILLAI今於高等法院否認強姦及盜竊兩罪。

女事主今上庭在屏風後作供，法官指她宣誓時手震，十分緊張，不時傳出飲泣聲音。事主作供稱，案發當晚清晨3時，事主到樓下買食物時，見到一名男子行近，並向事主稱「$300，搞野」，事主要求男子戴避孕套，男子答應後，便帶男子上樓。案件下午續審。

今時今日，想在office搵另一半，難過登天，因為身邊正常少少的男同事，好多都名草有主。臨近情人節，office瀰漫住低吟的討論聲，搲頭嘆氣聲一傳出，我就知道，情人節來了。

可能係女性敏感觸覺同埋我天生順風耳，我聽到對面兩位男同事好苦惱…

【晴報專訊】今個情人節，香港將有人氣「Light Rose Garden」（玫瑰燈海園）陪伴一眾愛侶過節。2.5萬朵白玫瑰LED燈後天起一連9日在中環綻放，義工昨已開始「種花」。策展單位預料，玫瑰花採用防水設計，無懼未來數日的雨天。

玫瑰燈海園原創者為南韓Pancom團隊，2014年10月曾於韓國首爾東大門設計廣場，首次展出2.1萬朵白玫瑰LED燈，去年4月再次展出至本月29日。韓劇《她很漂亮》、《製作人》等亦在當地取景，令玫瑰花海變成首爾地標。花海今次衝出韓國移師香港海濱長廊及添馬公園，作為世界巡迴展首站，稍後會到美國等地展覽。

【太陽報專訊】【本報訊】教育局諮詢中小學中國語文教育學習領域課程中提及學生應具備認讀簡體字能力，局方強調並不是要在中、小學學習簡化字，只是在學生具備繁體字基礎後，中學按需要「認讀」簡體字，以增閱讀簡體字書刊的能力，當局希望社會人士不要作無謂猜測，被指以簡體字取代繁體字的說法是毫無根據。另教育局預計，今年九月可公布全港參與免費幼稚園教育政策的幼稚園名單，局方正制訂參與免費幼教的幼稚園學費上限，相信大部分家長需繳交的學費，會較現時學券制為低。

教育局課程發展議會早前向學校發出諮詢文件，就「更新中國語文教育學習領域課程（小一至中六）」進行諮詢，文件提到配合香港的語文政策，學生在掌握繁體字後，亦應具備認讀簡體字能力。

【晴報專訊】張栢芝日前為《2016湖南衛視小年夜春晚》演出，化身迪士尼動畫《魔雪奇緣》Elsa公主演繹高難度溜冰動作露兩手，她並獻唱《Let It Go》國語版《隨它吧》。不少人嘲栢芝鵝公喉再現歌藝未見進步；有人則力挺她溜冰技術出眾兼造型勁掂，各位又覺得這位港版Elsa有冇仙氣？

本周二晚（2月2日），湖南衛視播出三小時特備節目《2016湖南衛視小年夜春晚》，當晚除了邀得韓國女歌手IU演出，以及黃曉明攜同父母現身節目，最吸睛的可算是張栢芝化身Elsa公主。湖南春晚特意搭建了一個冰舞台打造「冰雪嘉年華」氣氛，栢芝首度在電視觀眾前展現溜冰技術，她並演唱由陳少琪填詞的《魔雪奇緣》主題曲《Let It Go》國語版《隨它吧》，繼早前在《王牌對王牌》演繹故友張國榮名作《Monica》後，再次踏上內地舞台獻聲。